ل ڕۆژا ئێكشه‌مبێ ڕێكه‌ڤتى 20/11/2016 كارگێریا كه‌مپا (بێرسڤێ 2) ب پشته‌ڤانییا ڕێكخراوێن (SOSD) و (Khaima) ڕابوو ب ڤه‌كرنا (خیڤه‌تگه‌هه‌ك پێگڤه‌ژیانێ) بۆ هژماره‌كا كور و كچێن ئاواره‌ و خه‌لكێ ئاكنجییێ قه‌زا زاخۆ كو ژ ته‌خێن (قۆتابى، لاو و ئافره‌تان) و ژ ئاین و نه‌ته‌وه‌یێن جوداجودا پێكدهات، فه‌ره‌ بێژین ئه‌ڤ خیڤه‌تگه‌هه‌ بۆ ده‌مێ پێنج ڕۆژان ل وارگه‌هێ ده‌لال ل باژێرێ زاخۆ هاته‌ گێران.

د ئه‌ڤێ خیڤه‌تگه‌هێدا، چه‌ندین سمینارێن تایبه‌ت ژ ئالییێ كه‌سانێن پسپۆرڤه‌ هاتنه‌ پێشكێشكرن. هه‌ژییه‌ بێژین، ستافێ زانكۆیا زاخۆ ب پێشكێشكرنا سمینار و په‌نه‌لێن تایبه‌ت پشكدارى د خیڤه‌تگه‌هێدا كرن، كو هه‌ر ئێك ژ به‌رێز دكتۆر (شه‌وكه‌ت سندى) مامۆستا ل پشكا خواندنێن ئیسلامى و به‌رێز (نزار عصمه‌ت) مامۆستا ل پشكا ده‌روونناسیا گشتى ب بابه‌ت و مژارێن جوداجودا د ڕۆژانێن خیڤه‌تگه‌هێدا به‌شداربوون.

ل ڕۆژا دووماهییێ، مامۆستا و وانه‌بێژێن خیڤه‌تگه‌هێ ژ ئالییێ كارگێریا (كه‌مپا بێرسڤێ2) هاتنه‌ خه‌لاتكرن.